विप्लव समूहका २ जना सप्तरीबाट पक्राउ

काठमाडौँ, भदौ ४ – प्रतिबन्धित नेत्र विक्रम चन्द ‘विप्लव’ समूहका दुईजना सप्तरीबाट पक्राउ परेका छन् । केन्द्रीय सदस्य ४१ वर्षीया उमा भुजेल र ३१ वर्षीय सुमनसिंह पौडेललाई पक्राउ परेको जिल्ला प्रहरी कार्यालय सप्तरीका प्रहरी नायब उपरीक्षक एवं सूचना अधिकारी तिलक भारतीले जानकारी दिए ।

इलाका प्रहरी कार्यालय कञ्चनरुप, सप्तरीले भारदहमा प्रहरीसँग अभद्र गरेको व्यवहारमा उनीहरू विरुद्ध मुद्दा चलाएको छ । अन्तरिम व्यवस्थापिकामा विधायकसमेत बन्नुभएकी चन्द समूहका पूर्वपोलिटब्यूरो सदस्य भुजेल र नेता पौडेललाई जिल्ला अदालत सुनसरीले मङ्गलबार पुर्पक्षका लागि साधारण तारखेमा रिहा गरेको थियो ।

नेपाल सरकारले चन्द समूहको नेकपामाथि २०७५ फागुन २८ गतेदेखि प्रतिबन्ध लगाएको छ ।