विराटनगर जुट मिल्समा अध्यक्षको विवाद

काठमाण्डौँ – विराटनगर जुट मिल्समा सञ्चालक समितिको अध्यक्षमा आधिकारिता विवाद उत्कर्षमा पुगेको छ ।

एक अर्कालाई आरोप प्रत्यारोपमा दुई व्यक्तिलाई लिएर विभाजित भएका छन् ।

जुट मिल्सको आधिकारिक अध्यक्ष दाबी गर्दै पक्ष विपक्षले वक्तव्य निकाल्ने र पत्रकार सम्मेलन गरेपछि विवाद छताछुल्ल भएको हो ।

१६ साउनमा अध्यक्ष वसन्त वनले पत्रकार सम्मेलन गरी मुकुन्दप्रसाद नेपाल पक्षमा विभिन्न दोषारोपण लगाएका थिए ।

यसको एक साता नबित्दै मुकुन्द नेपाल पक्षले आफू आधिकारिक अध्यक्ष रहेको दाबी गरेको छ ।

जुट मिल्सको विराटनगरस्थित ६७ बिघा र झापाको दमकलगायतका ठाउँमा गरी कूल ६८ बिघा जग्गा रहेको छ ।

नयाँ र पुराना गरी दुई वटा मिल र दुलर्भ मानिएको जेनेरेटरसमेत अलपत्र छन् ।

– राजधानी