विराटनगर भन्सार एजेन्ट संघको अध्यक्षमा बिजेन्द्र परासर तेस्रो पटक निर्वाचित

 काठमाडौं, फागुन १६ – विराटनगर भन्सार एजेन्ट संघको अध्यक्षमा बिजेन्द्र परासर तेस्रो पटक चुनिएका छन्। संघको चौथो अधिवेशन तथा दशौं साधारण सभाले परासरलाई तेस्रो पटक अध्यक्षमा निर्वाचित गरेको हो।

विजयी परासरले ९ र उनका निकटतम प्रतिद्वन्द्वी प्रबिन जोशीले ८ मत प्राप्त गरेका थिए। संघका ३ उपाध्यक्षमा सुदर्शन दाहाल, हरिप्रसाद ठाकुर र नवलप्रसाद उपाध्याय विजयी भए। त्यस्तै सचिवमा कृष्णबहादुर थापा, सहसचिवमा दयानन्द मण्डल र कोषाध्यक्षमा विनोद पोद्दार छानिए। 

सदस्यका ४ पदमा विजयी हुनेमा रमेश कर्ण, भरतराज भट्टराई, सुरेश अग्रवाल र कृष्ण पोखरेल छन्।