विश्वका कोरोना संक्रमित देशको सूचीमा ४३ औं स्थानमा आइपुग्यो नेपाल

काठमाडौं, जेठ ३ । नेपाल विश्वमा कोरोना संक्रमित देशको सूचीमा ४३ औं स्थानमा आइपुगेको छ । आज ३ गतेसम्म नेपालमा कूल ४ लाख ५५ हजार जनालाई कोरोना संक्रमण भइकेको छ ।

पछिल्लो २४ घन्टामा ७ हजार ३१६ नयाँ संक्रमित भेटिको नेपालमा अहिलेसम्म ५ हजार जनाको मृत्यू भइसकेको छ । यसैगरी, अहिलेसम्म ३ लाख ३९ हजार जना पूर्ण रुपमा निको भइसकेको छन् ।

यद्यपी, दोस्रो लहरका कारण संक्रमितको संख्या बढेपछि सक्रिय संक्रमितको संख्या बढेर १ लाख १० हजार पुगेको छ । कोरोनाको दोस्रो लहर सुरु भएपछि नेपालमा दैनिक ९ हजार संक्रमित थपिँदै आएका थिए । यसैगरी, मृत्यू हुनेको संख्या बढेर दैनिक २०० जनासम्म पुगेको छ ।

अहिलेसम्म ससंक्रमितको सूचीमा अमेरिका पहिलो, भारत दोस्रो र ब्राजिल तेस्रो स्थानमा छन् ।