विश्वकै होचो व्यक्तिको रेकर्ड बनाएका खगेन्द्रको निधन

काठमाडौं, माघ ४- विश्वकै होचो व्यक्तिको रेकर्ड बनाएका बाग्लुङका खगेन्द्र थापामगरको निधन भएको छ ।थापाको शुक्रवार दिउँसो पोखराको मणिपाल अस्पतालमा निधन भएको खगेन्द्र थापा मगर प्रतिष्ठानका अध्यक्ष मिनबहादुर रानाले जानकारी दिए ।

मुटुमा समस्या देखिएपछि उपचारका लागि पोखरास्थित मणिपाल शिक्षण अस्पताल पुर्‍याइएका थापाको २८ वर्षको उमेरमा निधन भएको हो । चिकित्सकका अनुसार निमोनियाको साथसाथै थापालालाई मुटुको समस्या देखापरेको जनाइएको छ ।

उनको कद ०.६७ नापिएको छ । अक्टोबर १४, २०१० मा १८ वर्षको पुगेपछि खगेन्द्रले होचो मान्छे हुने श्रेय एडवार्ड निनो हर्नान्डिजबाट प्राप्त गरेका थिए । थापा मगर नेपालको बागलुङ जिल्ला धुल्लुबासकोट ६ मा १८ असोज २०४९ मा जन्मिएका थिए । उनी गाउँलेहरू माझ सानो बुद्धू भनेर चिनिन्थे ।