वैदेशिक रोजगारको लागि पुस १५ गतेदेखि प्रदेशस्तरबाटै पुनः श्रमस्वीकृति र पूर्वश्रमस्वीकृति लिन पाइने

काठमाण्डौँ — श्रम, रोजगार तथा सामाजिक सुरक्षा मन्त्रालयले पुस १५ गतेदेखि प्रदेशस्तरबाटै वैदेशिक रोजगारको लागि पुनः श्रमस्वीकृति र पूर्वश्रमस्वीकृति दिने निर्णय गरेको छ ।

यसको लागि मन्त्रालयले आवश्यक प्रबन्ध मिलाइसकेको जनाएको छ ।

मन्त्रालयले बिदामा आएका कामदारलाई सहज सुविधा दिन काठमाडौं केन्द्रित सुविधालाई प्रदेशमा लगेको हो।

श्रम तथा रोजगार कार्यालयको प्रदेशस्तरमा विराटनगर, धनुषा, बुटवल, सुर्खेत, पोखरा र धनगढीमा कार्यालय खोलिएको श्रममन्त्री गोकर्ण विष्टले बताए ।

उनले एउटै कार्यालयबाट सेवा दिँदा निकै चाप हुने र काठमाडौं नै आउनुपर्ने बाध्यकारी अवस्था हटाउन प्रदेशबाटै सेवा दिने व्यवस्था मिलाएको बताए।

— कान्तिपुर