वैदेशिक रोजगारीमा जाने कामदारको कमी,यस्तो छ मुख्य कारण

काठमाण्डौँ –गत आर्थिक वर्षमा काम खोज्दै विदेश जाने नेपालीको संख्या झण्डै २० प्रतिशतले घटेको छ ।
नेपालमा राजनीतिक स्थिरता आएसंगै विदेशिनेको संख्या घटेको हो ।

पछिल्लो समय मलेसियाको गन्तव्य रोकिएकाले पनि संख्यामा कमी आएको हुन सक्छ ।

गत आर्थिक वर्ष ०७४÷७५ मा पुनः श्रम इजाजत लिनेसहित गरेर ६ लाख १२ हजार ६ सय ८५ जना युवा रोजगारीका लागि विदेश उडेको वैदेशिक रोजगार विभागले जनाएको छ ।
यसको अघिल्लो आर्थिक वर्ष ०७३÷७४ मा ७ लाख ५९ हजार २३० नेपाली कामका लागि विदेशिएका थिए ।
यसअनुसार अघिल्लो वर्षभन्दा गत वर्ष १९ प्रतिशत कम नेपाली विदशे पुगेका छन् ।