वैशाख ४ गते त्रिवि मैदानमा त्रिदेशीय टी-२० सिरिज

काठमाडौं, चैत १३ –नेपाल क्रिकेट संघ (क्यान) ले आगामी वैशाख पहिलो साता त्रिदेशीय टी-२० क्रिकेट सिरिज आयोजना गर्ने भएको छ।क्यानका अनुसार सिरिजमा नेपाल, नेदरल्यान्ड्स र मलेसियाबीच  प्रतिस्पर्धा हुनेछ।आगामी वैशाखमा बजाज पल्सर त्रिदेशीय सिरिज आयोजना गरिएको नेपाल क्रिकेट संघ क्यानले जनाएको छ ।

खेलहरू कीर्तिपुरस्थित त्रिवि क्रिकेट मैदानमा हुनेछन्। डबल राउन्ड रोबिनको आधारमा हुने सिरिजको शीर्ष दुई टिम फाइनलमा प्रतिस्पर्धा गर्नेछन्। क्यानका सचिव अशोकनाथ प्याकुरेलले ‍सिरिजका लागि नेपाल आउन सहमत भएका नेदरल्यान्ड्स र मलेसिया क्रिकेटलाई धन्यवाद दिएका छन्।साथै उनले नेपालमा अन्तर्राष्ट्रिय प्रतियोगिता आयोजना गर्ने घोषणा गर्न पाउँदा खुसी व्यक्त गरेका छन्।

कोरोना कारण अन्तर्राष्ट्रिय क्रिकेट ठप्प भएपछि नेपालले पहिलो पटक अन्तर्राष्ट्रिय प्रतियोगिता खेल्न लागेको हो।