व्यवसायी नेताहरुको शुभकामना ‘जो जहाँ छौँ, त्यहीँ खुशीसाथ बडादशैँ मनाऔँ’

विजया दशमी २०७७ को अवसरमा व्यवसायी नेताहरुले जो जहाँ छौँ, त्यहीँ खुशीसाथ बडादशैँ मनाऔँ भन्दै शुभकामना दिएका छन् ।

नेपाल उद्योग वाणिज्य महासंघका उपाध्यक्ष तथा आगामी निर्वाचनका बरिष्ठका उम्मेदवार चन्द्रप्रसाद ढकालले समग्र नेपाली दाजुभाइ , दिदीबहिनीहरु र नेपालका समग्र व्यवसायी साथीहरुलाई उत्तरोत्तर प्रगतिको कामना सहित शुभकामना व्यक्त गरेका छन् ।

ढकालले माता दुर्गा भवानीको आशिर्वाद सबै नेपालीलाई प्राप्त होस् भन्दै इश्वरको कृपाले कोभिड १९ लगायतका सम्पूर्ण रोगब्याधिहरुबाट सबै छिट्टै मुक्त हुने विश्वाश समेत ब्यक्त गरेकाछन् । उनले भनेकाछन् ‘यस वर्षको दशैँ हामीले विशिष्ट परिस्थितिमा मनाउन गइरहेकोले कोभिड महामारीबाट बच्न स्वास्थ्य सुरक्षाका मामदण्डहरु अपनाई जो जहाँ छौँ, त्यहीँ खुशीसाथ बडादशैँ मनाऔँ ।

अर्का उपाध्यक्ष उमेशलाल श्रेष्ठले पनि स्वास्थ्य मापडण्डहरु पुरा गरेर मात्र टिकालगाउन आग्रह गरेका छन् । समस्त व्यवसायीहरुलाई सम्बोधन गर्दै श्रेष्ठले जति सक्दो सानो घेरा भित्र दशैको टिका लगाउन अनुरोध गरेका छन् । यसपाली दशैको उत्तम टिकाको साईत १० बजेर १९ मिनेट देखि दिनै भरी रहेको छ ।