शुक्रबार, फाल्गुन २९, २०८२
कर्पोरट खबर
3:41 pm, शुक्रबार, फाल्गुन २९, २०८२
धनकुटा । नेकपा एमाले धनकुटाले जिल्ला कमिटी सदस्य मुना राईलाई कारबाही गरेको छ ।
फागुन २१ गते सम्पन्न प्रचिनिधिसभा निर्वाचनमा पार्टीका उम्मेदवारमाथि अन्तर्घात गरेको आरोप लगाउँदै राईलाई पार्टीको साधारण सदस्यसमेत नरहनेगरी निष्कासित गरेको हो ।
बुधबार बसेको एमाले जिल्ला कमिटी धनकुटाको विस्तारित बैठकले उनलाई कारबाही गरेको हो । कारबाहीमा परेकी राई जिल्लाको साँगुरीगढी गाउँपालिकाकी उपाध्यक्ष समेत हुन् ।
धनकुटामा प्रतिनिधिसभा निर्वाचनमा एमालेकै उम्मेदवार राजेन्द्र कुमार राई निर्वाचित भएका छन् । तर, मुना राई उपाध्यक्ष भएको साँगुरीगढी गाउँपालिकामा भने श्रम संस्कृति पार्टीले भारी मत प्राप्त गरेको थियो । यसरी श्रम संस्कृति पार्टीले बढी मत पाउनुलाई उपाध्यक्ष राईबाट भएको अन्तर्घातको रूपमा व्याख्या गरिएको छ ।
FACEBOOK COMMENTS