श्रीमतीलाई बञ्चरो प्रहार गरेर भागेका पारस पक्राउ

काठमाडौं, भदौ ३१ –  उदयपुरमा श्रीमतीलाई बञ्चरो प्रहार गरी भागेका एक जनालाई प्रहरीले पक्राउ गरेको छ ।

जिल्ला प्रहरी कार्यालय उदयपुरका अनुसार त्रियुगा नगरपालिका ३ ठाडिटोलका ४१ वर्षीय पारस सिंहले श्रीमतीलाई बन्चरो प्रहार गरेर भागेका थिए।

उनलाई आज दिउँसो जंगलमा लुकिरहेको अवस्थामा प्रहरीले पक्राउ गरेको हो ।

बञ्चरो प्रहारबाट ३१ वर्षीया मीना खत्री गम्भीर घाइते भएकी छन्। उनको विराटनगरस्थित न्युरो अस्पतालमा उपचार भइरहेको छ ।