श्रीमान–श्रीमातीनै लागु औषधसहित पक्राउ

काठमाडौं, असोज १० – उदयरपुरको त्रियुगा नगरपालिका–६ लालपत्ताबाट लागु औषध सहित दुईजनालाई प्रहरीले पक्राउ गरेको छ । पक्राउ पर्नेमा सप्तरी घर भएका ३१ वर्षीय प्रवेश मियाँ उर्फ पिके र २६ वर्षीया हजारुम खातुन छन् । उनीहरु श्रीमान–श्रीमाती हुन् ।

उनीहरुको साथबाट प्रहरीले लागु औषध फेनारगन ६० एम्पुल, डाइजेपाम ६० एम्पुल र लुपिजेसिक ६० एम्पुल बरामद गरेको छ । मियाँ दम्पतीले भारतबाट नेपालमा बेचबिखन गर्न सो लागु औषध सेट ल्याएको जिल्ला प्रहरी कार्यालय उदयपुरका डिएसपी बेद प्रसाद गौतमले जानकारी दिए ।