सडकमा गाईलाई बचाउन खोज्दा ३ महिलाको मृत्यु

काठमाडौँ, आश्विन २५ – सडकमा छाडा छाडिएको गाईलाई बचाउन खोज्दा भारतमा ३ जना महिलाको मृत्यु भएको छ। घटनामा अर्की एक महिला घाइते भएकी छन्। 

सो दुर्घटना शनिबार मध्यप्रदेश राज्यको राजधानी भोपालबाट २ सय १४ किलोमिटर परको गुना जिल्लामा भएको प्रहरीले जनाएको छ।

गाडीमा सवार चारै जना साथी भएको र उनीहरू ओमकारेश्वर मन्दिरको दर्शन गरेर दिल्ली फर्कदै थिए।  

घटनामा बाँच्न सफल बिन्दु शर्माले प्रहरीलाई बाटोमा गाई देखेपछि ब्रेक हान्दा गाडी अनियन्त्रित भइ डिभाइडरमा ठोक्किएर सडकमा पल्टिएको बयान दिएकी छन्।