समयको माग भक्त बहादुर हमाल

काठमाडौं, ११ मंसिर – भक्त बहादुर हमाल स्वास्थ्य सामाग्री व्यवसायमा आवद्ध छन्  । उनीसँग २६ बर्षको व्यवसायिक अनुभव छ । हमाल सुदिप इन्टरनेशनलका संचालक तथा प्रबन्ध निर्देशक हुन । हमाल स्वास्थ्य सामाग्री व्यवसायीहरुको साझा संगठन रसायन तथा मेडिकल आपुर्ती संघका निवर्तमान अध्यक्ष समेत हुन । २०६५ सालमा स्थापित संघका संस्थापक सदस्य हमाल अघिल्लो कार्यकाल संघको नेतृत्वदायी तह अर्थात अध्यक्षमा निर्वाचित भएका थिए ।

नेपालमा भुकम्प गएको बेलामा संघको बागडोर सम्हाल्दै गर्दा उनको नेतृत्वमा आवश्यक सामाग्री जुटाएर सरकार र विभिन्न स्वास्थ्य संस्थालाई सहयोग गरिएको थियो । समग्र स्वास्थ्य क्षेत्रको स्तर उन्नती, विकास लगायत सरकारसँग सहकार्य गरि विभिन्न स्वास्थ्य सामाग्री सरल र सहज ढंगले उपलब्ध गराउन उनी दत्तचित्त भएर लाग्दै आएको पाईन्छ ।

हमालले हाल नेपाल उद्योग वाणिज्य महासंघको निर्वाचनमा वस्तुगत संघ तर्फ कार्यकारीणी सदस्यमा उम्मेदवारी दिएका छन् । हाल कायम अन्यौललाई चिर्दै समग्र उद्योग व्यवसायको स्तर बृद्धीका साथै सम्बन्धित निकायसँग समन्वय गर्ने काम हमालको प्राथमिकतामा छ । टिम स्प्रिटमा काम गर्ने उनको वचनबद्धता छ ।