साउथ स्टार रामचरणको जन्मदिनमा ‘आरआरआर’फिल्मको पोष्टर सार्वजनिक

 काठमाडौं, चैत १४ –साउथ स्टार रामचरण को आज जन्मदिन परेको छ ।। उनले आज आफ्नो ३६ औं जन्मदिन मनाउदैछन् । जन्मदिनको अवसरमा उनका फ्यानहरुले बधाई तथा शुभकामना दिइरहेका छन् । साउथ फिल्मका अभिनेता चिरंजीवीका छोरा समेत रहेका रामचरणले हालसम्म धेरै फिल्ममा अभिनय गरिसकेका छन् । पछिल्लो समय उनी फिल्म ‘आरआरआर’ मा व्यस्त छन् । 

एसएस राजामौलीको निर्देशनमा बनेको फिल्म ‘आरआरआर’ मा रामचरणको मूख्य भूमिका रहेको छ । उनको जन्मदिनको अवसर पारेर यस फिल्मको पोष्टर पनि सार्वजनिक गरिएको छ । पोष्टरमा रामचरणले बाण ताकेको देखिएको छ । महँगो लगानीमा निर्माण भइरहेको यस फिल्ममा एनटिआरसँगै रामचरण, आलिया भट्ट, अजय देवगन तथा ओलिभिया मोरिस लगायतका कलाकारको अभिनय रहेको छ ।