साग स्वर्ण विजेता पार्की सम्मानित

काठमाडौं, १८ मंसिर – १३ औं दक्षिण एसियाली खेलकुद (साग) का स्वर्णपदक विजेता तथा टोकियो ओलम्पिकका लागि छनोट भएका म्याराथन धावक गोपीचन्द पार्की सम्मानित भएका छन् । 

धनगढीमा बिहीबार एक सम्मान कार्यक्रम आयोजन गरि उनलाई सम्मान गरिएको हो ।  पार्कीलाई कैलाली जिल्ला तथा नेपाल एथलेटिक्स संघले सम्मान गरको हो । उनलाई नगद २५ हजारसहित सम्मान गरेको हो । उनलाई सुदूरपश्चिम प्रदेशका सामाजिक विकास मन्त्री कृष्णराज सुवेदीले सम्मान पत्र हस्तान्तरण गरेका हुन् । 

सम्मान कार्यक्रममा उपस्थित राष्ट्रिय खेलकूद परिषद् (राखेप) का बोर्ड सदस्य एकेन्द्र कुँवरले व्यक्तिगत सहयोगस्वरुप १५ हजार सहयोग गरेका छन् ।