सामसङका इलेक्ट्रोनिक्स उत्पादनमा ३५ प्रतिशतसम्म छुट, किस्ताबन्दीमा किन्न पाइने

काठमाडौँ, असोज १ –  सामसङले ‘जोड्दै खुसी, सजाऔं जिन्दगी’ फेस्टिभ अफर नेपाली बजारमा ल्याएको छ । उपभाेक्ताका लागि सामसङका उत्पादनहरुले आफ्ना ग्राहकहरुको घर र परिवारमा खुसी सजाउन यस्तो आफर ल्याएको कम्पनीले बताएको छ ।

यो अफर अन्तर्गत सामसङका कन्जुमर इलेक्ट्रोनिक्स् उत्पादनहरुमा अधिकतम ३५ प्रतिशतसम्मको छुट प्राप्त गर्न सकिन्छ । याे छुट सामसङ टिभी, रेफ्रिजेरेटर र वासिङ्ग मेसिनको खरिदमा लागू हुनेछ ।

सामसङ प्लाजाको आधिकारिक वेबसाइटबाट पनि सामसङका उत्पादनहरु खरिद गर्ने वैकल्पिक सुविधा पनि ग्राहकहरुलाई प्रदान गरिएको छ । सामसङले टिभिहरुमा २ वर्ष (१ वर्ष फूल प्रोडक्ट वारेन्ट र थप १ वर्ष प्यानलमा) को वारेन्टि प्रदान गरेको छ ।

त्यस्तै डिजिटल इन्भर्टर टेक्नोलोजीमा १० वर्षको वारेन्टी रहेको छ । निश्चित आउटलेटहरुबाट सहज किस्ताबन्दी तथा निश्चित सामानहरु निःशुल्क जडान गरिदिने सुविधा पनि रहेको छ ।

यो फेस्टिभ अफर असाेज १ गतेदेखि कात्तिक ३० गतेसम्म नेपालभर सामसङका आधिकारिक डिस्ट्रिब्युटर हिम इलेक्ट्रोनिक्स प्रालि र त्रिवेणी ब्यापार प्रालिद्वारा आफ्ना डिलरहरु मार्फत लागू गरिएको छ ।