‘साहो’को दुई दिनमा २ अर्व बढी कमाई

काठमाडौं– प्रभासको फिल्म ‘साहो’ले दुई दिनमा २ अर्व बढी कमाएको छ ।

१० हजार स्क्रिनमा प्रदर्शनमा आएको फिल्मको पहिलो दिनको कमाइ नै १०० करोडका हाराहारीमा रहेको थियो। भारतमा मात्रै यो फिल्म ४५ सय पर्दामा प्रदर्शनमा आएको छ।

पहिलो दिनको रेकर्डलाई कायम गर्दै फिल्मले दोस्रो दिन पनि १०० करोड कमाएको छ। दुई दिनमा फिल्मले २०० करोडको आँकडा पार गर्दै नयाँ रेकर्ड बनाउन सफल भएको हो।

प्रभास र श्रद्धा कपुरको मुख्य मुमिका रहेको यो फिल्म ४ भाषामा प्रदर्शनमा आएको छ। पहिलो दिन १०४ करोड कमाएको फिल्मले दोस्रो दिन २०५ करोड पु¥याएको हो।

‘बाहुबली’को सफलतापछि प्रभाससँग दर्शकले धेरै अपेक्षा गरेका छन्। फिल्म प्रदर्शन अगावै यसलाई लिएर उनका शुभचिन्तक निकै उत्साहित थिए।