सिंचाई तथा जलस्रोत मन्त्री वर्षमान पुन आइसोलेसनमा

काठमाडौं, कात्तिक ६ – उर्जा, सिंचाई तथा जलस्रोत मन्त्री वर्षमान पुन आइसोलेसनमा बसेका छन् । आफ्नो सवारी चालकमा कोरोना संक्रमण पुष्टि भएपछि मन्त्री पुन सहित उनको परिवार पुल्चोकस्थित मन्त्री क्वाटरमा आइसोलेसनमा बसेको हो ।

यसवर्षको दसैँमा आफ्नो निर्वाचन क्षेत्र रोल्पा जाने तयारीमा रहेका मन्त्री पुनले जिल्ला जाने कार्यक्रम स्थगित गरेका छन् भने कोरोना संक्रमण भए नभएको पत्ता लगाउन पीसीआर परीक्षण गराउने तयारीमा रहेका छन् ।