सिनामंगलको सुकुम्बासी टोलमा आगलागी

काठमाडौं, २९ मंसिर – काठमाडौंको सिनामंगलस्थित सुकुम्बासी टोलको एक घरमा आगालगी भएको छ। सोमबार दिउँसो करिब पौने १ बजे बस्तीको एक घरमा आगलागी भएको हो। 

आगलागी भएको खबर पाएपछि प्रहरीको टोली घटनास्थल पुगेको महानगरीय प्रहरी परिसर, काठमाडौंका प्रहरी नायब उपरीक्षक प्रमेश विष्टले बताए। ‘सुकुम्बासी टोलको एक टहरा जस्तो घरमा आगलागी भएको छ,’उनले भने,’हाम्रो टोली खबर पाएपछि त्यहाँ पुगेको छ।’

उनका अनुसार आगलागी नियन्त्रणमा लिने प्रयास भइरहेको छ। एउटा दमकल पनि पुगेको उनले बताए। आगलागीको कारण भने खुलिसकेको छैन।