सिरियामा हारपछि पुन फर्किँदै इस्लामिक स्टेट

काठमाडौँ, चैत १८ – सिरियामा हार भएको दुई वर्ष पछि एक पटक पुन इस्लामिक स्टेटले फर्किएको विश्वको थुप्रै देशको मन्त्रीको एक समूहले चेतावनी दिएको छ ।

मोजाम्बिकको एक शहरमा भएको चरमपन्थी आक्रमणमा धेरै मानिसको मृत्यु पछि यस्तो चेतावनी आएको हो ।

मंगलवार बेल्जियमका उप-प्रधानमन्त्री, विदेश मन्त्री र अमेरिकी विदेश मन्त्रीको अपीलमा इस्लामिक स्टेटको विरुद्धमा विश्वव्यापी सङ्गठनको एक भर्चुअल बैठक भएको थियो जसमा नेताहरूले हालै केही दिनमा चरमपन्थी समूहको आक्रमण बढ्न सक्ने बताएको छ ।

‘इस्लामिक स्टेटको विरुद्धमा विश्वव्यापी गठबन्धन” नामको समूहले अफ्रिकामा इस्लामिक स्टेटसँग जोडिएको चरमपन्थी सङ्गठन पूर्वी र पश्चिमी अफ्रिकामा ठुलो खतरा बनेको बताएको छ ।

सन् २०१९ देखि २०२० बिच यहाँ चरमपन्थी आक्रमणमा एक तिहाइ वृद्धि भएको छ ।

गठबन्धनको अनुसार, यस्तो समूह इराक र सिरियामा पनि आफ्नो नेटवर्क पुन स्थापना गर्न सफल भइरहेका छन् ।

इस्लामिक स्टेटको विरुद्धमा विश्वव्यापी गठबन्धनमा कुल ८३ देश सहभागी रहेका छन् जसमा अमेरिका, अष्ट्रेलियाको साथै युरोपेली र अफ्रिकी देश पनि रहेका छन् ।

बीबीसीका सुरक्षा संवाददाता फ्र्याङ्क गार्डनर भन्छन्, “दुई वर्ष पहिला इस्लामिक स्टेटको लडाकुले सिरियाको बागुजमा जमिन हारेका थिए, यो उनीहरूको आफ्नो शासनको पतन थियो तर आज अमेरिका, बेलायत सहित अन्य देशका विदेश मन्त्रालयले चेतावनी दिएका छन् कि इस्लामिक स्टेटको खतरा अझै पुरै तरिकाले सकिएको छैन ।”

उनको अनुसार, “पश्चिम, उत्तर पश्चिम र पूर्वी अफ्रिकामा इस्लामिक स्टेटसँग जोडिएको समूहको गम्भीर खतरा बढ्दै गएको छ, मोजाम्बिकमा जनता र उद्धारकर्ता माथि भएको आक्रमण गरी शरीरबाट टाउको काटेर हत्या गरिएको छ र यो उनीहरूको काम हो ।”

सन् २०१९ देखि २०२० को बिचमा भएको यस प्रकारको आक्रमणको इस्लामिक स्टेटले जिम्मेवारी लिएको छ र यसमा एक तिहाइ वृद्धि भएको छ ।

साथै इराक र सिरियाको विभिन्न क्षेत्रमा पनि चरमपन्थी गतिविधिहरु बढेको छ । यहाँ जिहादिले आफ्नो नेटवर्क पुन स्थापित गरेको छ ।

विदेश मन्त्रीको उक्त बैठकमा नेटोको महासचिव पनि सहभागी भएका थिए ।

उनीहरूले विश्वबाट इस्लामिक स्टेटलाई पूर्ण नष्ट गर्नको लागि एकसाथ मिलेर काम गर्नुपर्ने बताएका छन् ।

कोरोना महामारीको स्थिति सामान्य भयो भने इस्लामिक स्टेट विरुद्ध विश्वव्यापी गठबन्धनको आउँदो बैठक इटालीमा हुनेछ ।