शनिबार, मंसिर २०, २०८२
कर्पोरट खबर
2:19 pm, शनिबार, मंसिर २०, २०८२
काठमाडौँ । विराटनगर किङ्स दोस्रो संस्करणको नेपाल प्रिमियर लिग (एनपीएल) टी–ट्वान्टी क्रिकेटको क्वालिफायरमा प्रवेश गरेको छ ।
शनिबार भएको खेलमा सुदूरपश्चिम रोयल्सलाई ६ विकेटले हराउँदै प्रतियोगिताको पहिलो क्वालिफायरमा स्थान बनाएको हो ।
अब सुदूरपश्चिम र विराटनगरले पहिलो क्वालिफायरमा फाइनल प्रवेशका लागि खेल्नेछन् । त्रिवि क्रिकेट मैदानमा सुदूरपश्चिमले दिएको १४८ रनको लक्ष्य पछ्याएको विराटनगरले ११ ओभर ५ बलमा सम्पूर्ण ४ विकेट गुमाउँदै १५० रन बनाएको हो ।
विराटनगरका लागि फाफ डू प्लेसिस र सम हेजलेटले अर्धशतकीय पारी खेले । २० बल खेलेका डू प्लेसिसले ५ चौका र ४ छक्का प्रहार गरे । त्यस्तै २७ बल खेलेका हेजलेटले ३ चौका र ४ छक्का प्रहार गरे ।विराटनगरका मार्टिन गप्टिलले २२ रन बनाए । बलिङतर्फ सुदूरपश्चिमका लागि अविनाश बोहराले दुई विकेट लिँदा हर्मीत सिंहले एक विकेट लिए ।
यसअघि पहिले ब्याटिङ गरेको सुदूरपश्चिम रोयल्सले निर्धारित २० ओभरमा ६ विकेट गुमाउँदै १४७ रन बनाएको थियो । सुदूरपश्चिमका लागि आरिफ शेखले नट आउट ४५ रन बनाउँदा इशान पाण्डेले ३८ रनको योगदान गरे । बलिङतर्फ सन्दीप लामिछानेले तीन विकेट लिँदा प्रतिश जिसीले दुई विकेट लिए ।
FACEBOOK COMMENTS