सुनकोशीमा बस दुर्घटना : मृत्यु हुनेको संख्या १४ पुग्यो

काठमाडौं,कार्तिक १७- सिन्धुपाल्चोकको सुकुटेमा आइतबार भएको बस दुर्घटनामा मृत्यु हुनेको संख्या १४ पुगेको छ ।

दोलखाबाट काठमाडौं आउँदै गरेको शैलुङ्गेश्वर यातायात बा २ ख ७२४५ नम्बरको बस सिन्धुपाल्चोकको सुकुटेबाट सुनकोशीमा खसेको थियो ।

मृत्यु हुनेहरुमा ८ जना महिला ४ जना पुरुष र २ जना बालबालिका रहेका छन् । दुर्घटनामा परी ४७ जना घाइते भएका छन् । घाइतेमध्ये अन्य छ जना गम्भीर रहेको प्रहरीले जनाएको छ।