सुनको भाउ अहिलेसम्मकै महँगो, कतिमा हुदैंछ कारोबार ?

काठमाडौं,पुस २० – नेपाली बजारमा सुनको भाउले नयाँ रेकर्ड कायम गरेको छ । शुक्रबार एक हजारले बढेर पुरानो रेकर्डमा आएको सुनले आइतबार फेरी तोलामा एक हजारले बढ्दैं नयाँ रेकर्ड कायम गरेको छ ।

आइतबार छापावाल सुन प्रतितोला ७५ हजार ५ सय रुपैंयामा कारोबार भइरहेको नेपाल सुनचाँदी व्यवसायी महासंघले जनाएको छ । शुक्रबार छापावाल सुन ७४ हजार पाँच सय रुपैंयामा कारोबार भको थियो ।

यस्तै तेजावी सुन ७५ हजार २०० मा कारोबार भएको छ भने चाँदी तोलामा ९०० रुपैयाँमा कारोबार भएको छ ।

अमेरिका र ईरानबीचको तनाव, डलर मजबुत र भारतीय रुपैयाँ कमजोर भएकाले नेपालमा सुनको भाउ बढेको महासंघले जनाएको छ ।