सुनको भाउ घट्यो, चाँदीको स्थिर

काठमाडौं, माघ २८ – सोमबार स्थिर रहेको सुनको भाउ मंगलबार तोलामा एक सय रुपैयाँले घटेको छ ।

मंगलबार छापावाल सुन तोलाको ७५ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । सुन सोमबार र गएको आइतबार तोलाको ७६ हजार रुपैयाँमा कारोबार भएको थियो ।

त्यसै गरी तेजावी सुन प्रतितोला ७५ हजार ६ सय रुपैयाँमा कारोबार भईरहेको छ ।

सुनको भाउ घटेपनि चाँदीको भाउ भने स्थिर रहेको छ । आज चाँदी प्रतितोला ८ सय ८० रुपैयाँमा कारोबार भइरहेको छ।