सुनको भाउ बढ्यो, प्रतितोला ७३ हजार पाँच सयमा कारोबार हुदैं

काठमाडौं, पुस १५ -नेपाली बजारमा सुनको भाउ लगातार उकालो लागिरहेको छ । मंगलबार सुन प्रतितोला तीन सय रुपैंयाले बढेर पुरानो रेकर्ड कायम गरेको छ ।

मंगलबार छापावाल सुन प्रतितोला ७३ हजार पाँच सय रुपैंया पुगेको नेपाल सुनचाँदी व्यवसायी महासंघले जनाएको छ । गत भदौ ९ गतेको सुन मूल्य ७३ हजार पाँच सयभेट्टाए पछि आज सुनले पुरानै रेकर्ड कायम गरेको हो ।

त्यसै गरी आज तेजावी सुन प्रतितोला ७३ हजार दुई सय रुपैंयामा कारोबार भइरहेको छ । मंगलबार सुन सँगै चाँदीको मूल्य पनि बढेको छ । मंगलबार चाँदीको मूल्य प्रतितोला १० रुपैंयाले बढेर ९ सय रुपैंया पुगेको छ ।

अन्तर्राष्ट्रिय बजारमा लगातार सुनको मूल्य बढेपछि स्थानीय बजारमा समेत त्यसको असर परेको हो ।