सुनको मूल्य अहिलेसम्मकै उच्च, एकैदिन तोलामा एक हजार बढ्यो

काठमाडौं, पुस १८ – सुनको भाउले अहिले सम्मका सबै पुराना रेकर्डलाई तोड्दैं नयाँ रेकर्ड बनाएको छ । शुक्रबार तोलामा एक हजार रुपैयाँ बढेर सुनले नयाँ रेकर्ड कायम गरेको हो ।

शुक्रबार सुनको भाउ प्रतितोलाको ७४ हजार ५ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ । त्यसै गरी आज तेजावी सुन पनि तोलाको ७४ हजार २ सय रुपैयाँमा कारोबार भइरहेको छ । चाँदीको भाउ भने आज पनि घटबढ भएको छैन चाँदी आज पनि तोलाको ९ सय रुपैयाँमा कारोबार भैरहेको छ ।

अमेरिका र इरानबीच तनाव बढिरहेकाले सुनको भाउ अझै बढ्ने महासङ्घले जनाएको छ ।