सुनको मूल्य तोलामा ३ सय रुपैयाँले बढ्यो

 काठमाडौं, वैशाख २ – बिहिबार ३०० ले सुनको मूल्य बढेको छ । हिजो प्रतितोला ८९ हजार ५ सय रुपैयाँमा कारोबार भइरहेको सुन आज बढेर ८९ हजार ८ सय रुपैयाँ पुगेको हो ।

यस्तै तेजाबी सुन आज तोलामा ८९ हजार ३५० रुपैयाँ मा कारोबार हुनेछ । हिजो तेजाबी सुन तोलामा ८९ हजार ५० रुपैयाँमा कारोबार भएको थियो ।चाँदीको मूल्य आज ३० रुपैयाँले बढेको छ । चाँदी तोलामा एक हजार २९० मा कारोबार हुने गरी मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।