सुनको मूल्य तोलामा ५ सय रुपैयाँले घट्यो

 काठमाडौं, वैशाख १० –शुक्रबार नेपाली बजारमा सुनको मूल्य प्रतितोला ५ सय रुपैयाँले घटेको छ । नेपाल सुनचाँदी व्यवसायी महासंघका अुनसार बिहीबार उकालो लागेको सुनको मूल्य शुक्रबार भने घटेको हो । महासंघका अनुसार बिहीबार प्रतितोला ९२ हजार २ सय रुपैयाँमा कारोबार भईरहेको सुनको मूल्य शुक्रबार घट्दा प्रतितोला ९१ हजार ७ सय रुपैयाँ पुगेको हो ।

आज चाँदीको मूल्य पनि घटेको छ । शुक्रबार बिहीबारको तुलनामा चाँदीको मूल्य प्रतितोला १५ रुपैयाँले घट्दा यसको मूल्य प्रतितोला १ हजार ३ सय २० रुपैयाँमा पुगेको छ ।