सुनको मूल्य बढ्यो, कति हुदैंछ कारोबार ?

काठमाडौं, पुस २७ – नेपाली बजारमा आइतवार सुनचाँदीको मूल्य फेरी बढेको छ । आइतवार छापावाल सुनको मूल्य प्रतितोला ४०० रुपैयाँले बढेको हो ।

शुक्रवार प्रतितोला ७४ हजार ६ सय रुपैयाँमा कारोबार भएको छापावाल सुनको मूल्यमा आइतवार ४०० रुपैयाँ बढ्दै प्रतितोला ७५ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।

आइतवार तेजावी सुनको मूल्य पनि प्रतितोला ४ सय रुपैयाँले बढ्यो । शुक्रवार प्रतितोला ७४ हजार ३ सय रुपैयाँमा कारोबार भएको तेजावी सुन आइतवार ४०० रुपैयाँ बढ्दै प्रतितोला ७४ हजार ७ सय रुपैयाँ कायम भएको महासंघले बताएको छ ।

आइतवार चाँदीको मूल्य पनि प्रतितोला ५ रुपैयाँले बढेको छ । आइतबार चाँदी ८ सय ९० रुपैयाँ कायम भएको महासंघले जनाएको छ ।