सुनको मूल्य १४ सय रुपैयाँले घट्यो

काठमाडौं, भदौ २० । साताको अन्तिम दिन आज शुक्रबार सुनको मूल्य घटेकोे छ । नेपाल सुनचाँदी महासंघका अनुसार बिहीबार प्रतितोला ७३ हजार ४०० रुपैयाँमा कारोबार भएको छापवाला सुनको मूल्य आज १४ सय रुपैयाँले घटेर ७२ हजार रुपैयाँमा कारोबार भएको छ ।

त्यसैगरी आज तेजाबी सुनको मूल्य ७१ हजार ७०० रुपैयाँमा कारोबार भएको छ । महासंघले आज प्रति १० ग्राम छापवाला सुनको मूल्य ६१ हजार ७३० रुपैयाँ कायम गरेको छ भने प्रति १० ग्राम तेजाबी सुनको मूल्य ६१ हजार ४७५ रुपैयाँ कायम गरेको छ ।

त्यस्तै आज चाँदीको मूल्य पनि ४० रुपैयाँले घटेर ९०० प्रतितोला रुपैयाँमा कारोबार भएको छ । महासंघले आज प्रति १० ग्राम चाँदीको मूल्य ७७१ रुपैयाँ ६० पैसा कायम गरेको छ ।