सुनको मूल्य ८ सयले बढयो

काठमाडौं, ९ फागुन- आइतबार सुनको मूल्य बढेकाे छ । शुक्रबार ८८ हजार २ सयमा कारोबार भइरहेको सुन आइतबार ८ सय रुपैयाँले बढेर प्रतितोला ८९ हजार रुपैयाँ पुगेको हो ।

नेपाल सुनचाँदी व्यवसायी महासंघका अनुसार छापावाल सुनको मूल्य बढ्दा तेजाबी सुनको मूल्य पनि बढेकाे छ । शुक्रबार ८७ हजार ७५० रुपैयाँमा कारोबार भएको तेजाबी सुन प्रतितोला ८ सयले बढेर ८८ हजार ५५० रुपैयाँ पुगेको छ ।

महासंघका अनुसार आज चाँदीको मूल्य २५ रुपैयाँले बढेर प्रतितोला १३३० रुपैयाँ कारोबार भइरहेको छ ।