सुनचाँदीको मूल्य बढ्यो

काठमाडौं, माघ ९- बुधबार केहि घटेको सुनको भाउ विहिवार फेरी बढेको छ । विहिवार छापावाल सुनको मूल्य प्रतितोला २०० रुपैयाँ बढेको छ ।

बुधवार प्रतितोला ७४ हजार ८ सय रुपैयाँमा कारोबार भएको छापावाल सुनको मूल्यमा विहिवार २०० रुपैयाँ बढ्दै प्रतितोला ७५ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यसै गरी बुधवार प्रतितोला ७४ हजार ५ सय रुपैयाँमा कारोबार भएको तेजावी सुनको मूल्यमा विहिवार २०० रुपैयाँ बढ्दै प्रतितोला ७४ हजार ७ सय रुपैयाँमा कारोबार भइरहेको महासंघले जनाएको छ ।

विहिवार चाँदीको मूल्य पनि बढ्ेको छ । बुधवार ८ सय ८० रुपैयाँमा कारोबार भएको चाँदीको मूल्यमा विहिवार प्रतितोला ५ रुपैयाँ बढ्दै ८ सय ८५ रुपैयाँमा भएको छ ।