सोनम गेयरका ज्याकेटदेखि टेन्टसम्ममा ६०% छुट

काठमाडौं, मंसिर २९ – व्यक्तिगत प्रयोजन तथा ट्रेकिङमा उपयोग गरिने गुणस्तरीय सामग्रीको ब्राण्ड सोनमले ‘विन्टर सेल अफर’ सार्वजनिक गरेको छ । यस योजना अन्तर्गत कम्पनीले आफ्ना विभिन्न उत्पादनमा विशेष छुट घोषणा गरेको हो । यो अफरमा छानिएका वस्तुमा ६० प्रतिशतसम्म छुट पाइने कम्पनीले जनाएको छ ।

सोनम ब्राण्डमा महिला, बालबालिका र पुरुषका ज्याकेट, ट्राउजर, सर्ट, पाइन्ट, पञ्जा, जिम सेट, स्वेटर, कोट, ट्रेकिङका पोसाक, टेन्ट, ब्यागलगायत उत्पादनहरु उपलब्ध रहेका छन् ।

राजधानी उपत्यकामा ठमेलको क्वाबहाल र जेपी रोड, ललितपुरको जावलाखेल, कमलपोखरीको सिटी सेन्टर, बौद्ध, टुसाल, चाबहिलको केएल टावर, सुन्धाराको सिभिल मल, ललितपुरको कुमारीपाटी, पोखराको लेकसाइड र न्युरोड तथा चितवनको सिजी ल्याण्डमार्क मल, भरतपुरका सोरुममा सोनम गेयरका उत्पादनहरु उपलब्ध छन् ।सिन्धुपाल्चोकमा बस दुर्घटना, १४ जनाको मृत्यु
सिन्धुपाल्चोक, मंसिर २९ – दोलखाको कालिन्चोकबाट कालिञ्चोक मन्दिर दर्शन गरेर फर्किएका दर्शनार्थी चढेको बस सिन्धुपाल्चोकमा दुर्घटना हुँदा कम्तीमा १४ जनाको ज्यान गएको छ ।

अरनिको राजमार्ग अन्तर्गत लामोसाँघु जिरी सडकखण्डको ६ किलो भन्ने ठाउँमा बा ४ ख ४४६८ नम्बरको बस आइतबार बिहान पल्टिँदा १४ जनाको ज्यान गएको र १८ जना घाइते भएको जिल्ला प्रहरी कार्यालय सिन्धुपाल्चोकले जनाएको छ ।

१२ जनाको घटनास्थलमै मृत्यु भएको थियो । प्रहरीका अनुसार उपचारको क्रममा थप २ जनाको मृत्यु भएको हो । मृत्यु हुनेहरुमा ८ जना महिला, ३ जना पुरुष, एकजना बालिका र दुईजना बालक रहेका छन् ।

घाइतेहरुको धुलिखेल अस्पतालमा उपचार भइरहेको छ । कालिञ्चोक मन्दिर दर्शनका लागि रिजर्भ गरेर फर्किएको सडकबाट पल्टिएर दुर्घटना भएको हो ।