सौर्य एयरलाइन्स ६१ करोडमा बिक्री

काठमाण्डौँ– निजी हवाई सेवा प्रदायक सौर्य एयरलाइन्स ६१ करोड रुपैयाँमा बिक्री भएको छ ।

व्यवसायी श्याम अधिकारी, श्यामकृष्ण महर्जन र रामप्रसाद पन्थीको नयाँ व्यवस्थापकीय टिमले सौर्य एयरलाइन्स खरिद गरेको हो ।

अबको केही दिनमै नयाँ व्यवस्थापकीय टिमले सौर्य एयरलाइन्स सञ्चालन गर्ने भएको छ।

तर स्वामित्व हस्तान्तरण प्रक्रिया पुरा गर्न भने केही समय लाग्ने सौर्य एयरलाइन्सका तत्कालीन सञ्चालक दीपक पोखरेलले बताए ।

अहिले सौर्य एयरलाइन्स कम्पनी रामप्रसाद पन्थीका छोरा बुद्धिराज पन्थीको नाममा हस्तान्तरण भएको छ ।

सौर्यसँग सीआरजे २०० सिरिजका दुईवटा जहाज छन् ।

एउटा जहाजले नियमित उडान भरिरहेको छ ।

अर्को जहाजमा प्राविधिक समस्या आएकाले उडान भरेको छैन ।

– अन्नपूर्ण