स्वयम्भूमा ट्याङकर र मोटरसाइकल ठोक्किँदा एकको मृत्यु

काठमाडौं,फागुन ३ – काठमाडौंको स्वयम्भू, भगवानपाउमा शुक्रबार राति ट्याङकरले मोटरसाइकललाई ठक्कर दिदाँ एक जनाको ज्यान गएको छ भने अर्का एक जना घाइते भएका छन् ।

बा ३ ख ५१३४ नम्बरको ट्याङकरले प्रदेश ३ ०२००४ प ११५१ नम्बरको मोटरसाइकललाई ठक्कर दिदाँ काठमाडौंको चन्द्रागिरी नगरपालिका(३ का साइरस गिरीको ज्यान गएको हो । दुर्घटनामा घाइते भएका गिरीको उपचारको क्रममा त्रिवि शिक्षण अस्पताल महाराजगन्जमा ज्यान गएको प्रहरीले जनाएको छ ।

मोटरसाइकल पछाडि बसेका काभ्रेको भुम्लु गाउँपालिकाका प्रज्वल ठकुरीको ग्राण्डी अस्पताल धापासीमा उपचार भैरहेको छ । ट्याङकर चालकलाई प्रहरीले पक्राउ गरेको छ ।