१० वर्ष भित्र बनाउने लक्ष्य लिएकाे बाहिरी चक्रपथ १२ वर्ष सम्म पुरा डिपिआर पनि बनेन

बसन्त अर्याल

काठमाण्डौं– १० वर्ष भित्र शडक निमार्णको कार्य सक्ने योजना बनाएको बाहिरी चक्रपथ १२ वर्ष हुन लाग्दा डिपिआरको काम समेत पुरा हुन सकेको छैन ।

२०६२÷६३ सालमा १० वर्ष भित्र डिपाआर सहित सडक निमार्ण गर्ने लक्ष्य लिएको चक्रपथ दुर्ई खण्डको डि.पि आर गर्न बाँकी रहेको हो ।

डिपिआर तयार भएको खण्डको पनि चोभार सतुङ्गल खण्डमात्र स्वीकृत भएको बाहिरी चक्रपथ विकास अयोजनाले जनाएको छ ।

सतुङ्गल चोभार खण्डको फाईल शहरी विकास मन्त्रालयमा अड्किएर बसेको छ ।

बाहिरी चक्रपथ विकास अयोजना प्रमुख दिलिप भण्डारीले भने ‘ सतुङ्गल चोभार खण्डको फाईल शहरी विकास मन्त्रालयमा रोकिएर बसेको छ । जग्गामा कित्ताकाटको देखिएको समस्याका कारण निर्माण कार्य अगाडि बढ्न सकेको छैन।’

शहरी विकास मन्त्रालयले फाईलमा केहि अस्पष्टता भएकाले छलफल भैरहेको र केहि समय भित्र यसको टुङ्गो लाग्ने जनाएको छ ।

कित्ताकाटमा समस्या आए पछि आसरकारले भने आयोजनाको वरपर जग्गा कित्ता काट गर्न रोक तथा भौतिक संरचना निमार्णमा रोक लगाएको छ ।
सतुङ्गल चोभार खण्ड ६ अर्बको लागतमा ८ लेनको बाटो बनाउने योजना छ ।

व्यवस्थित बस्ती र दिगो सहरीकरणको महत्त्वाकांक्षी योजनाका रूपमा बाहिरी चक्रपथलाई अघि सारिएको हो । बाहिरी चक्रपथ वरिपरि वातावरणमैत्री, प्रविधियुक्त र सुविधा सम्पन्न बस्ती बनाउने लक्ष्य छ ।

आव ०५६ र ०५७ मा सरकारले बाहिरी चक्रपथको परिकल्पना गरेको थियो ।

कुन खण्डमा कति सडक ?

काठमाण्डौं जिल्लाको चोभार सतुङगल खण्ड ६.६ किमी , सतुङ्गल पैयाँटार १०.९२ किमी, पैयाटार खड्का भद्रकाली ६ किमी, खड्का भद्रकाली सनडोल ६.५ कीमी (डिपिआर नभएको), सनडोल नयाँ पाटी थलीडाँछी ३.९६ किमी रहेको छ । काठमाण्डौ जिल्ला भित्र कुल ३३.९८ किमी रहेको छ ।

त्यस्तै भक्तपुरको १८.६१ किमी शडक मध्ये थली डाँछी भातेढिकुरो ९.५१, भाते ढिकुरो अरनिको राजमार्ग नयाँठिमी ५.६ किमी (डिपिआर नभएको) , अरनिको राजमार्ग दधिकोट सिरुटार ३.५ किमी रहेको छ ।

ललितपुर जिल्लाको लुभु हरिसिद्धि खण्ड ५ किमी, हरिसिद्धि खोकना ८. ९९ किमी रहेको छ ।