९० घण्टा २ मिनेट बोलेर विश्व कीर्तिमान

काठमाण्डौँ – नेपालका अनन्तराम केसीले सबैभन्दा लामो समयसम्म बोलेर नयाँ विश्व कीर्तिमान रचेका छन् ।

विश्वले चिन्ने छ नेपालीलाई भन्ने नाराका साथ लगातार ९० घण्टा २ मिनेटसम्म बोल्दै केसीले बिहिबार मध्य रात नयाँ विश्व कीर्तिमान कायम गरेका हुन् ।

केसीको कीर्तिमान गिनिज वल्र्ड रेकर्डस्मा दर्ता भएको छ ।

यसअघि यो कीर्तिमान भारतका केपी भाल साराजानको नाममा थियो ।

उनले केही महिनाअघि लगातार ८१ घण्टा १६ मिनेट प्रवचन दिएर विश्व कीर्तिमान राखेका थिए ।

गिनिज वल्र्ड रेकर्डस्का प्रतिनिध स्वप्निल डाङगारिकार, प्रदेश सभासद् जीवन डंगोल लगायतले बिहिबार नै केसीलाई विश्व कीर्तिमान कायम गरेबापत गिनिज वल्र्ड रेकर्डस्को प्रमाण पत्र हस्तान्तरण गरेका थिए ।