९ वर्षीया बालिकालाई यौन शोषण गरेको आरोपमा भू.पू. भारतीय सैनिक पक्राउ

काठमाडौं, भदौ १५ – ९ वर्षीया एक बालिकालाई महिनौं देखि यौन शोषण गरेको आरोपमा प्रहरीले एक भूतपूर्व भारतीय सैनिकलाई पक्राउ गरेको छ ।

जिल्ला प्रहरी कार्यालय कास्कीका प्रमुख एसपी जीवन श्रेष्ठका अनुसार, बालिकालाई यौन शोषण गरेको आरोपमा ५५ वर्षीय रेश बहादुर गुरुङ पक्राउ परेका हुन् ।

स्याङ्जा बिरुवा गाउँपालिका–७ घर भई हाल कास्की पोखरा महानगरपालिका मिलनचोक गुरुङलाई सोमबार पक्राउ गरिएको एसपी श्रेष्ठले बताए ।

गुरुङले विगत ४–५ महिनादेखि बालिकालाई ललाईफकाई यौन शोषण गरेको प्रहरी अनुसन्धानबाट खुलेको छ । यस सम्बन्धमा आवश्यक अनुसन्धान भइरहेको एसपी श्रेष्ठले जनाए ।