नेपाल बङ्गलादेश बैंकको १०० औं शाखा कञ्चनपुरको कलकत्तामा

काठमाडौं । नेपाल बङ्गलादेश बैंकले १०० औँ शाखाको रुपमा कञ्जनपुर जिल्लामा शाखा विस्तार गरेको छ । जिल्लाको बेलौरी नगरपालिका वडा नं ८ काे कलकत्तामा विस्तार गरिएको सो शाखा साउन २८ गतेबाट सञ्चालनमा ल्याइएको बैंकले जनाएको छ ।

बैंकले सो क्षेत्रका सर्वसाधारणलाई सहज बैँकिङ्ग सेवा सुविधा प्रदान गर्ने उद्देश्यले आफ्नो शाखा सञ्जालमा नयाँ शाखा विस्तार गरेको हो । साथै सो शाखाबाट सर्वसाधारण तथा उद्यमीले सबै प्रकारका निक्षेप तथा कर्जा कारोबार सुविधा र रकम भुक्तानी लगायत सम्पुर्ण बैँकिङ्ग सेवा प्राप्त गर्न सक्नेछन् ।

 

कलकत्ता शाखा सहित बैंकले १०० शाखा, ८ एक्सटेन्सन काउन्टर, तथा ८१ वटा एटीएम काउन्टरबाट बैंकिङ्ग सुविधा दिँदै आएको छ ।