भायानेटले ल्यायो दशैं लक्षित नयाँ अफर

काठमाडौं । भायानेटले दशैं पर्वलाई लक्षित गरी नयाँ अफर ल्याएको छ ।

यो अफर अन्तर्गत अब भायानेटको अल्ट्रा–फाइ इन्टरनेट जोड्ने ग्राहकहरूले नोकिया बिकन १।१ मेस राउटर वा एमआई ४.ए डुअल ब्यान्ड राउटर इन्टरनेट सदस्यतामै प्राप्त गर्ने कम्पनीले जनाएको छ ।

यो वर्षको दशैंमा भायानेटको अल्ट्रा–फाइ २०० एमबीपीएस इन्टरनेटको वार्षिक प्लान ९९९ रुपैयाँ प्रति महिनामा पाउन सकिने कम्पनीले जनाएको छ । प्याकेजमा आउने डुअल ब्यान्ड ओएनयूसँगै ग्राहकहरूले नोकियाको बीकन १. मेस राउटर वा एमआई ४।ए डुअल ब्यान्ड राउटर मध्य एक छानेर राख्न पाउने जनाएको छ ।

 

यस्तै अतिरिक्त राउटर लिनका लागि ग्राहकले डिपोजिट शुल्क मात्र जम्मा गरे पुग्ने जनाएको छ । ग्राहकले मेस राउटर लिनका लागि ४ हजार र एमआई ४।ए राउटरको लागि १ हजार ५०० डिपोजिट गर्नु पर्नेछ । कम्पनीले आफ्ना ग्राहकहरूलाई सस्तोमा घरभरि वाइफाइको कभरेज बढाउन मद्दत गर्ने उद्देश्यले यो अफर ल्याएको जनाएको छ ।

यस्तै भायानेटले वार्षिक सदस्यतामा मात्र १५० रुपैयाँ प्रति महिनामा भायाटिभी पनि उपलब्ध गराएको छ। यसरी भायाटिभी लिँदा ग्राहकले पहिलो सेट–टप–बक्स मात्र ५०० रुपैयाँ डिपोजिट गरी प्राप्त गर्न सक्ने जनाएको छ ।