बालेनको विरुद्धमा उत्रिए सडक व्यापारी, महानगर परिसरमा विरोध प्रदर्शन

काठमाडौँ । सडकपेटी र गल्लीहरूमा व्यापार गर्न नदिएको भन्दै सडक व्यापारीहरूले बिहीबार विरोध प्रदर्शन गरेका छन् ।

बिहीबार नेपाल स्वरोजगार व्यापार श्रमिक संघको नेतृत्वमा व्यापारीहरूले काठमाडौं महानगरपालिका कार्यालयअगाडि विरोध प्रदर्शन गरेका हुन् ।

महानगरपालिकाभित्र रहेका सडकपेटी र गल्लीहरुमा व्यापार गरेर जीविकोपार्जन गर्ने निम्नवर्गीय स्वरोजगार श्रमिकको सामान कब्जा र गिरफ्तार गर्नेलगायतका कारबाही गरेको भन्दै व्यापारीहरूले महानगर कार्यालय अगाडि धर्ना दिएका हुन् । स्वरोजगार श्रमिकलाई बेरोजगार बनाउने काम महानगरपालिकाले गरेको उनीहरूको आरोप छ ।

बालेन शाह मेयर भएपछि महानगरले सडक फुटपाथमा रहेका पसलहरू हटाइएकाे छ । यसका साथै महानगरले अवैध संरचना, नक्सा पास नभएका संरचना, सरकारी जग्गा अधिग्रहण गरि बनाएका संरचना लगायतमा डाेजर चलाएकाे छ । बालेनकाे उक्त कदमकाे धेरैले स्वागत गरेपनि केहिले भने विराेध गर्दै आएका छन् ।