अब साढे ३ बजेपछि मात्र राहदानीको ‘अपोइन्टमेन्ट डेट’

काठमाडौं । राहदानीको आवेदनका लागि ‘अपोइन्टमेन्ट डेट’ बुकिङ खोल्ने समय परिवर्तन भएको छ ।

राहादानी विभागले एक सूचना जारी गर्दै आज मंगलबार (पुस ३ गते) देखि अपरान्ह साढे ३ बजेदेखि मात्रै ‘अपोइन्टमेन्ट डेट’ बुकिङ खुला हुने जनाएको छ । प्रायः जिल्ला र इलाका प्रशासन कार्यालयले बिहान ११ बजेकै आसपासमा बुकिङ खोल्ने गरेको पाइएको र सर्भरमा चाप देखिएका भन्दै दिउँसो साढे ३ बजेबाट मात्र अपोइन्टमेन्ट डेट’ बुकिङ खोलिने निर्णय गर्नुपरेको विभागको उल्लेख छ ।

यसअघि विभागले गत साउन १७ गतेदेखि दैनिक बिहान ११ बजे राहदानी आवेदनका लागि अपोइन्टमेन्ट डेटको बुकिङ खोल्ने व्यवस्था कार्यान्वयनमा ल्याएको थियो ।