विदेशमा मासिक ७५ हजार तलब हुने ठाउँ पठाइदिन्छु भनी १ करोड ठगी गर्ने युवक पक्राउ

काठमाडौं । नेदरल्यान्ड पठाइदिन्छु भनी १ करोड बढी रकम ठगी गरेर फरार एक युवक पक्राउ परेका छन् ।

खोटाङ बाह्रपोखरी ५ घर भई हाल काठमाडौं कोटेश्वर बस्ने ३५ वर्षीय प्रकाश राई पक्राउ परेका हुन् । राईले रसुवा गोसाइँकुण्ड गाउँपालिका ५ हाल काठमाडौंको नागार्जुैन बस्ने २७ वर्षीय निमा तामाङ लगायत १६ जनालाई नेदरल्यान्डको भिसा लगाइदिने भन्दै रकम ठगी गरेका थिए ।

राईले उनीहरुबाट प्रतिव्यक्ति १६ लाख रुपैयाँ उठाएको प्रहरीले जानकारी दिएको छ । विदेशमा पानीजहाजमा काम लगाई मासिक ७५ हजार तलब हुने प्रलोभन देखाई १६ जनाबाट १ करोड ३६ लाख रुपैयाँ लिएर वेपत्ता भएका राईलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले आइतबार कोटेश्वरबाट पक्राउ गरेको जनाएको छ । पक्राउ गरेका राईमाथि थप अनुसन्धान भैरहेको प्रहरीले जनाएको छ ।