थप ८४८ जनामा कोरोना भाइरसको संक्रमण पुष्टि, १ को मृत्यु

काठमाडौं । नेपालमा पछिल्लो २४ घण्टामा थप ८ सय ४८ जनामा कोरोना भाइरसको संक्रमण पुष्टि भएको छ ।

बितेको २४ घण्टामा देशभर २ हजार ७२२ जनामा आरटी–पीसीआर गर्दा ३ सय ९९ जना र २ हजार ८९७ जनाको एन्टिजेन परीक्षण गर्दा ४ सय ४९ जना गरी आज ८४८ जनामा संक्रमण पुष्टि भएको हो ।

नेपालमा पछिल्लो २४ घण्टामा कोरोना भाइरस संक्रमणका कारण १ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ११ हजार ९९० जना पुगेको छ ।

पछिल्लो २४ घण्टामा १ लाख ०४ हजार ४७ जनाले कोरोनाविरुद्धको खोप लगाएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५ सय २६ जना संक्रमणमुक्त भएका छन् । यो सँगै नेपालमा कोरोना भाइरसबाट संक्रमणमुक्त हुनेको संख्या ९ लाख ७६ हजार ६ सय ०९ जना पुगेको छ । यो कुल संक्रमितको ९८.२ प्रतिशत हो ।

हाल देशभर सक्रिय संक्रमितको संख्या ५ हजार २५९ जना छन् । मन्त्रालयका अनुसार हालसम्म नेपालमा कोही पनि क्वारेन्टिनमा छैनन् ।