रुपन्देहीमा किशोरीमाथि सामुहिक बलात्कार

रूपन्देही । १९ वर्षीया किशोरीलाई बलात्कार गर्ने तीन जनालाई प्रहरीले पक्राउ गरेको छ ।

पक्राउ पर्नेहरूमा कोटहिमाई गाउँपालिका–५ बस्ने २७ वर्षीय मुकेश चौधरी, सोही गाउँपालिका–६ बस्ने ३२ वर्षीय मनोहर चौधरी र सोही गाउँपालिका–३ बस्ने ३५ वर्षीय शैलेश कुमार पाण्डे छन् ।

१९ वर्षीया किशोरीलाई जबरजस्ती करणी गरेको अभियोगमा उनीहरूलाई शनिबार दिउँसो प्रहरीले पक्राउ गरेको हो ।

प्रहरीका अनुसार उनीहरूले ती किशोरीलाई भदौ ५ गते जबरजस्ती करणी गरेका थिए । घटनापछि प्राप्त उजुरीको आधारमा इलाका प्रहरी कार्यालय मझगवाबाट खटिएको प्रहरीले उनीहरूलाई पक्राउ गरेको हो ।

घटना सम्बन्धमा प्रहरीले आवश्यक अनुसन्धान गरिरहेको बताएको छ ।