पहिलो दिनमै ५० लाख ७१ हजार ४० कित्ता आवेदन : न्यादी हाइड्रोपावर

असोज १५, काठमाडौं । न्यादी हाइड्रोपावर कम्पनीको आईपीओमा पहिलो दिनमै ५० लाख ७१ हजार ४० कित्ता लागि आवेदन परेको छ ।

विक्री प्रबन्धक ग्लोबल आइएमई क्यापिटल लिमिटेडका अनुसार शुक्रवार ३स्४५ बजेसम्ममा ३ लाख ९० हजार ३७५ जना आवेदकबाट ५० लाख ७१ हजार ६४० कित्ताका लागि आवेदन परेको हो ।

यो आवेदन सर्वसाधारणको लागि माग गरिएको भन्दा २ दशमलव ४२ गुण बढी हो । कम्पनीले आज अर्थात् शुक्रवारबाट २२ लाख ५० हजार कित्ता आईपीओ निष्कासन गरेको हो ।

कुल कित्तामध्ये १ लाख १२ हजार ५०० कित्ता सामूहिक लगानी कोषको लागि छुट्याएको छ भने ४५ हजार कित्ता कर्मचारीको लागि र बाँकी रहेको २० लाख ९२ हजार ५०० कित्ताका लागि सर्वसाधारणले आवेदन दिन सक्नेछन् ।
लगानीकर्ताले उक्त आईपीओमा असोज १९ गतेसम्म आवेदन दिन सक्नेछन् । न्यूनतम १० कित्तादेखि अधिकतम ५० हजार कित्ता सम्मका लागि आवेदन दिन सकिने व्यवथा रहेको छ ।