बुधबार, असार ११, २०८२
कर्पोरट खबर
10:18 am, मंगलबार, जेठ २७, २०८२
काठमाडौं । अन्तर्राष्ट्रिय क्रिकेट परिषद् (आईसीसी) ले ५ पुरुष र २ महिला गरी ७ क्रिकेटरलाई ‘हल अफ फेम’ मा समावेश गरेको छ ।
आईसीसीले भारतीय पूर्वकप्तान महेन्द्रसिंह धोनीसहित अष्ट्रेलियाका म्याथ्यू हेडेन, दक्षिण अफ्रिकाका हाशिम अमला दक्षिण अफ्रिकाकै ग्रीम स्मिथ र न्यूजील्याण्डका डेनियल भेटोरीलाई ‘हल अफ फेम’ मा समावेश गरेर सम्मान गरेको छ ।
त्यस्तै, महिला क्रिकेटरमा पाकिस्तानकी साना मिर र इङ्गल्याण्डकी सारा टेलरलाई हल अफ फेम’ सम्मानको सूचीमा समावेश गरिएको छ ।
के हो ‘हल अफ फेम’ सम्मान ?
आईसीसीले सन् २००९ को जनवरीमा क्रिकेटमा खेलाडीहरूले गरेको योगदानलाई सम्मान गर्न हल अफ फेमको सुरूआत गरेको थियो । सुरूमा ५५ खेलाडीलाई सम्मान गर्दै यो सुची जारी गरिएको थियो ।
त्यसपछि हरेक वर्ष आईसीसी अवार्ड घोषणा गर्दा हल अफ फेममा समावेश हुने खेलाडीको सूची जारी गर्ने गरेको छ ।
यस सूचीमा अहिलेसम्म इङल्याण्डका धेरै ३४ खेलाडी छन् भने अष्ट्रेलियाका ३०, वेस्टइन्डिजका २१, भारतका ११, दक्षिण अफ्रिकाका ९, पाकिस्तानका ८, न्युजिल्याण्ड र श्रीलङ्का ४–४ र जिमब्बेका एक गरी कुल १२२ खेलाडीले अहिलेसम्म आईसीसीको ‘हाल अफ फेम’ सम्मान पाएका छन् ।
FACEBOOK COMMENTS