पोखराको लेकसाइडमा भीषण आगलागी: १० वटा पसल जलेर नष्ट

पोखरा मंसिर ६,पोखरा महानगरपालिका–६ लेकसाइडमा भीषण आगलागी भएको छ । आज सोमबार बिहान ३ः४५ बजे सुरु भएको आगलागीबाट लेकसाइडको फुटपाथ क्षेत्रमा रहेका १० वटा रेस्टुरेन्ट तथा पसलहरू जलेर नष्ट भएको प्रहरीले जनाएको छ । आगलागीबाट मानवीय क्षति नभए पनि ठूलो मात्रामा धनसम्पति जलेर नष्ट भएको छ । आगलागीबाट दुई करोडको हाराहारीमा नोक्सानी भएको हुनसक्ने आँकलन गरिएको छ ।

आगलागीको कारण भने खुल्न सकेको छैन । उक्त स्थानमा भारतीय नागरिकले सञ्चालन गरेको टिनका झुप्राबाट आगलागी भएको हुन् सक्ने अनुमान गरिएको प्रहरीले जनाएको छ । आगलागी अहिले पूर्ण रूपमा नियन्त्रणमा आएको र क्षतिको विवरण संकलन गर्ने कार्य भइरहेको बताइएको छ ।