‘हिमालय रोडिज’को चौथो सिजन सोमबारदेखि प्रसारण हुने

काठमाडौं । हिमालय टेलिभिजनबाट ‘हिमालय रोडिज’को चौथो सिजन सोमबारदेखि प्रसारण हुने भएको छ । काठमाडौंमा पत्रकार सम्मेलन गरी हरेक सोमबार बेलुकी ८ बजेबाट प्रसारण हुने जानकारी गराएको हो ।

सम्मेलनमा शोका होस्ट रेमनदास श्रेष्ठ र ग्याङ्ग लिडरहरु लाउरे, अनुपविक्रम शाही र समन श्रेष्ठ उपस्थित थिए । दर्शकले शोमा नयाँ कुराहरु पाउने छन्। निर्देशकका अनुसार यसपटक डिजिटल अडिसनबाट हजारौं सहभागीबाट प्रतिस्पर्धी छानेको र यसपटकका प्रतिस्पर्धीहरु एकदमै दमदार रहेको जानकारि दिएका छन् ।

सोमबारबाट प्रसारण हुने ‘हिमालय रोडिज’को चौथो सिजनलाई दर्शकले मन पराउने निर्माण टिमको विश्वास छ ।